حوار هادي مع طرف التالت ….

أنا مش جاي اقدم حلول أو علاج للموقف أنا مجرد بفكر بصوت مبحوح ….. ولا جاي هتكلم عن شهدائنا الأبرار أو انتهاك ادمية المصريين علشان مفيش أي كلام ممكن يفهم حد فقد ادميته ..
شوية اسئلة !!!
• ليه لازم يحصل كارثة تاني يوم في المراحل الإنتخابية السابقة ؟
 مش غريب شوية ان بعد انتخابات المرحلة التانية والإشادة بدور الجيش يعملوا الشعب كدة !!! يبقى مين عايز يعطل الإنتخابات ؟ وياترى هيحصل حاجة في
المرحلة التالتة ؟؟؟؟؟؟؟؟؟

• ثوار والبلطجية إيد واحدة ؟
 سؤال لطيف وهوا أصل الموضوع , المجلس نشر فيديو عن اعتداء " مدنيين “ على المجمع وقامت الدنيا على ضياع تاريخ وتراث مصر على إيد “ البلطجية “ السؤال بقى إيه علاقة الثوار بالبلطجية … للأسف مفيش كارنيه أو عضوية للثوار !! في أي اعتصام بيكون في لجان على مداخل الاعتصام للتفتيش عن السلاح وأي خارج عن القانون ... وزي ما احنا عارفين ان الاعتصام من حق أي " مواطن " , و ده واضح ان اعتصام مجلس الوزراء بدا من أكتر من اسبوعين . ليه بقى ظهر " البلطجية “ السبب بسيط جدي : فض الإعتصام فـيختلط أي حد مع المعتصمين وده الي يفسر ليه الشهداء مش بلطجية ناس مسالمة د ايما هيا الي بتموت أو بتتسحيل ..... الكوميدي جدا الدعوة للثوار انهم يسيبوا مكنهم علشان نعرف البلطجية على اساس ان البلطجية طرش أو ذكاءهم محدود فا هيفضلوا في المكان !!!!! رحماك ربي
• اشتم مين لما احب أسأل عن مين الي ضيع المجمع ؟
 فيديو المجلس بيبين مين الي حرق المجمع من وجهة نظر المجلس طبعا , طب ليه المجلس مايتكرمشي ويفرجنا على فيديو لجنود وهيا ب طفي المجمع قبل مايكون الحريقة خلصت !! أو منع ا لمتظاهرين لعربيات المطافي أو لعملية انقاذ محتوى المجمع ؟؟؟؟؟؟ الحقيقة أنا شفت صور وفيديوهات وشهادات من المسئوليين عن المجمع ان الي حاول يطفي أو ينقذ المجمع هم شباب " مدنيين “ .
• مين هوا الطرف التالت ……………..!!


 بنسمع عن الطرف التالت من قبل التنحي الحقيقة وبما ان البلطجية مش بيظهروا إلا في فض الاعتصام ماعدا موقعة الجمل بس , يبقى في علاقة .. بس طبعا ممكن تقول عليَّ منفسن ... هاقولك آه وفي سؤال
هو ليه عمره محصل هجوم على مصطفى محمود روكسي أو العباسية “” , أو السؤال بـشكل مختلف ليه المظاهرات الي مع النظام زي الفل ومحدش بيجي ناحيتها ( بلطجية أو شرطة أو جيش ( وال مظاهرات الي ضد النظام لازم يحصل فيها حاجة ....
مش غريب ان في ناس ماتت من المتظاهرين إلي ضد النظام في العباسية قبل كده من “ أهلي العباسية الشرفاء “ ومحصلشي حاجة لبتوع العباسية دلوقتي ؟ مش غريب ان الجيش بيجيب فيديوهات من ناس بتصور وهيا واقفة مع المتظاهرين ؟ احداث مجلس الوزراء بدأت بـاعتداء الجيش “ زي ماقال “ على شاب علشان يبادلو بـواحد من التحريات العسكرية مسكوه في الاعتصام .. مش غريب ان الجيش شايف ان بلطجية هم إلي حرقوا المجمع ومش جايب أي سيرة عن البلطجية الي كانوا فوق مجلس الشعب أو الوزارة وبيرموا طوب أو اطباق المجلس ودولاب ومكاتب .....
الطرف التالت هو النظام , هو الي بفض الإعتصام بالقوة . هو الي بيعتدي على المواطنين ايان ماكان هوا الي كان حامي البلطجية الي فوق المجلس .... والسبب عايز يكره الناس في الثورة وايامها ويعيد انتاج النظام السابق تاني ....
بسم الله الرحمن الرحيم :
" وَسۡـَٔلۡهُمۡ عَنِ ٱلۡقَرۡيَةِ ٱلَّتِى ڪَانَتۡ حَاضِرَةَ ٱلۡبَحۡرِ إِذۡ يَعۡدُونَ فِى ٱلسَّبۡتِ إِذۡ تَأۡتِيهِمۡ حِيتَانُهُمۡ يَوۡمَ سَبۡتِهِمۡ شُرَّعً۬ا وَيَوۡمَ لَا يَسۡبِتُونَ‌ۙ لَا تَأۡتِيهِمۡ‌ۚ ڪَذَٲلِكَ نَبۡلُوهُم بِمَا كَانُواْ يَفۡسُقُونَ (١٦٣) وَإِذۡ قَالَتۡ أُمَّةٌ۬ مِّنۡہُمۡ لِمَ تَعِظُونَ قَوۡمًا‌ۙ ٱللَّهُ مُهۡلِكُهُمۡ أَوۡ مُعَذِّبُہُمۡ عَذَابً۬ا شَدِيدً۬ا‌ۖ قَالُواْ مَعۡذِرَةً إِلَىٰ رَبِّكُمۡ وَلَعَلَّهُمۡ يَتَّقُونَ (١٦٤) فَلَمَّا نَسُواْ مَا ذُڪِّرُواْ بِهِۦۤ أَنجَيۡنَا ٱلَّذِينَ يَنۡہَوۡنَ عَنِ ٱلسُّوٓءِ وَأَخَذۡنَا ٱلَّذِينَ ظَلَمُواْ بِعَذَابِۭ بَـِٔيسِۭ بِمَا كَانُواْ يَفۡسُقُونَ "
صدق الله العظيم ...
اللهم اجعلنا مع من ينهون عن السوء